ناموس رسالت قانون میں نہ تبدیلی ہوگی نہ غلط استعمال کرنے دیں گے،وزیراعظم گیلانی

وزیراعظم یوسف رضا گیلانی نے کہا ہے کہ توہین رسالت کے قانون میں ترمیم کا حکومت کا کوئی ارادہ نہیں لیکن کسی بھی قانون کا غلط استعمال نہیں ہونا چاہئے۔ انہوں نے کہاکہ پاکستان پیپلز پارٹی نے پارٹی کی سطح پر ایک کمیٹی قائم کی تھی تاکہ وہ اس امر کا جائزہ لے کہ اس کے ارکان کی طرف سے قانون سازی کیلئے اٹھائے جانیوالے اقدام کی توثیق بھی کی جا سکتی ہے یا نہیں، تشدد کے واقعات سے اسلام کی بدنامی ہوتی ہے اور مغرب میں ان واقعات کو اچھی نظر سے نہیں دیکھا جاتا اور اس سے بیرون ملک پاکستانیوں کیلئے بھی مسائل پیدا ہوتے ہیں اس لئے اس بات کی ضرورت ہے کہ اسلام کا صحیح تشخص اجاگر کیا جائے۔ انہوں نے کہا کہ ہمیں اسلام کی مذہبی رواداری پر مبنی اقدار کو فروغ دینا چاہئے،عقیدے کے سلسلے میں کسی قسم کی زورزبردستی کی اجازت نہیں، اسلام کی درست تشریح اورمعاشرے میں تحمل ، برداشت اور رواداری کی تعلیمات کو عام کرنے کی ضرورت ہے۔ انہوں نے کہا کہ عالمی دہشتگردی نے دنیا کا سکون تباہ کر دیا ، انتہا پسندی اور رجعت پسندی کا راستہ انحطاط اور تباہی کا راستہ ہے، مسلمان اقوام ِ عالم کی فکری ، سائنسی، اقتصادی اورسیاسی میدان میں قیادت کا فریضہ سرانجام دے سکتے ہیں،ہمیں ہر قسم کے اختلافات کوبھلا کر ملّتِ اسلامیہ کی سلامتی اورخوش حالی کی طرف دھیان دینا ہو گا،علماء کرام اسلام کی صحیح ترجمانی کریں۔ وہ منگل کو یہاں "اسلام میں مذہبی رواداری” کے موضوع پر علماء مشائخ کانفرنس 2011ء سے خطاب کر رہے تھے۔ اس موقع پر وفاقی وزیرمذہبی امور سید خورشید احمد شاہ اور وزیر مملکت برائے مذہبی امور شگفتہ جمانی کے علاوہ بڑی تعداد میں علماء کرام بھی موجود تھے۔وزیراعظم نے کہاکہ آج کی دنیاسائنس و ٹیکنالوجی کی دُنیا ہے ، ایک طرف تو انسان تیزی سے آگے ہی آگے بڑھتاچلا جارہا ہے، جب کہ دوسری طرف اس سے زیادہ تیزی کے ساتھ انسان خوف وہراس، بھوک و افلاس ، ظلم وتشدد اوردہشت کے گہرے جہنم میں گرتا جارہا ہے۔

بشکریہ جنگ

Advertisements
This entry was posted in creative. Bookmark the permalink.

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s